conocenos1O 16 de chinero de 2003 se constituyó a comarca d’a Hoya de Huesca/Plana de Uesca compuesta por 40 munizipios e zien nuclios abitaus e con arredol de 70.000 abitans.

A comarca abraca un extenso territorio que cuenta con abundante patrimonio monumental, vestichio d’o rico pasau istorico, como a Seu de Uesca, a romanica ilesia de San Pietro u os castiellos de Lobarre e Montaragón, notables valors paisachisticos e ecolochicos, como os miticos Mallos de Riglos, u buena parte d’o Parque d’a Sierra e Cañons de Guara, que son a base d’una crexién industria turistica.

A ufierta turistica d’a Plana de Uesca ye ampla e bien variada e pasa por magnificos eszenarios naturals en que practicar dende esportes d’aventura, acuaticos, de caza e pesca dica tranquilos paseyos por as sierras.

O sector d’os servizios tien un releván peso en a economía comarcal, anque, fueras d’a capital, l’agricultura tiene una importancia que se veyería notablemén potenziada con o regano. Ye una comarca de contrastes en que se mesclan o cautivo de cereal con as nuevas tecnolochías plasmadas en o Parque Tecnolochico Walqa, e que destaca por a calidat de vida que se reflexa en numbrosos servizios d’incontestable atractivo, como club de Golf, o club de tenis, os dos clubs de Ipica u l’aerodromo de Monflorite con a suya escuela de vuelo sin motor.

Culturalmén, a Plana ufre tamién infinitas posibilidaz que van dende o romanico de San Pietro o Viello dica o nuevo Zentro d’Arte Contemporanio d’Aragón. Igualmén, a Seu e o Museu de Uesca e, difuera d’a capital, atractivos como o Castiello de Lobarre, a Colechiata de Santa María A Mayor de Boleya, o Museu de l’Organo d’Agüero, o Monesterio d’A Gloria de Casbas, o Zentro d’Interpretazión sobre Ramón y Cajal en Ayerbe u a curiosidat d’os 451 zellers excavaus en os zerros d’a villa d’Almudévar, eszenario d’as correrías de Pedro Saputo en a chenial novela de Braulio Foz.

FaLang translation system by Faboba

cita previa

sede electrónica

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.