A comarca d’a Plana de Uesca abraca un territorio de 2.576 kilometros cuadraus delimitau a o norte por as sierras exteriors pirinencas (Riglos, Caballera, Lobarre, Gratal, Gabardialla e Guara); a l’este por l’arriu Alcanadre; a o sud, a linia, no espezificamén cheografica, separa esta comarca d’a monegrina e a provinzia de Zaragoza; a l’ueste, l’arriu Galligo siñala, en parte, o limite con as Zinco Villas e a provinzia de Zaragoza.
Se trata d’una macrocomarca natural con una capital indiscutible que coinzide con la d’a provinzia e ye integrada por más de 40 munizipios. A comarca tien una poblazión de 59.465 abitans, d’os que 45.485 (o 83 %) corresponden a o munizipio de Uesca, lo que siñala una fortiza conzentrazión demografica arredol d’a capital. A densidat demografica ye de 23 ab./km2 pero si sacamos o termen munizipal de Uesca capital tal densidat desziende dica os 2,1 ab./km2, parellano a os espazios más deserticos d’as zonas de montaña.
O 16 de chinero de 2003 se constituyó a comarca d’a Hoya de Huesca/Plana de Uesca compuesta por 40 munizipios e zien nuclios abitaus e con arredol de 70.000 abitans.
A comarca abraca un extenso territorio que cuenta con abundante patrimonio monumental, vestichio d’o rico pasau istorico, como a Seu de Uesca, a romanica ilesia de San Pietro u os castiellos de Lobarre e Montaragón, notables valors paisachisticos e ecolochicos, como os miticos Mallos de Riglos, u buena parte d’o Parque d’a Sierra e Cañons de Guara, que son a base d’una crexién industria turistica.
A ufierta turistica d’a Plana de Uesca ye ampla e bien variada e pasa por magnificos eszenarios naturals en que practicar dende esportes d’aventura, acuaticos, de caza e pesca dica tranquilos paseyos por as sierras.
O sector d’os servizios tien un releván peso en a economía comarcal, anque, fueras d’a capital, l’agricultura tiene una importancia que se veyería notablemén potenziada con o regano. Ye una comarca de contrastes en que se mesclan o cautivo de cereal con as nuevas tecnolochías plasmadas en o Parque Tecnolochico Walqa, e que destaca por a calidat de vida que se reflexa en numbrosos servizios d’incontestable atractivo, como club de Golf, o club de tenis, os dos clubs de Ipica u l’aerodromo de Monflorite con a suya escuela de vuelo sin motor.
Culturalmén, a Plana ufre tamién infinitas posibilidaz que van dende o romanico de San Pietro o Viello dica o nuevo Zentro d’Arte Contemporanio d’Aragón. Igualmén, a Seu e o Museu de Uesca e, difuera d’a capital, atractivos como o Castiello de Lobarre, a Colechiata de Santa María A Mayor de Boleya, o Museu de l’Organo d’Agüero, o Monesterio d’A Gloria de Casbas, o Zentro d’Interpretazión sobre Ramón y Cajal en Ayerbe u a curiosidat d’os 451 zellers excavaus en os zerros d’a villa d’Almudévar, eszenario d’as correrías de Pedro Saputo en a chenial novela de Braulio Foz.
Adreza: C/ Berenguer 2-4
C. Postal: 22002
Localidat: Huesca
Telefono: 974 23 30 30
Facs: 974 23 20 44
Correu-e:
Twitter: @hoyadehuesca
A Comarca d’a Plana de Uesca conforma dentro d’Aragón a delimitazión comarcal numero 6 e ye compuesta por 39 consellers.
Para concertar una visita en la Sede Comarcal, por favor póngase en contacto con el trabajador o departamento correspondiente a través del 974 23 30 30, y le darán fecha y hora para poder mantener una reunión.
Para evitar esperas o que no se le pueda atender, se ruega no acudir sin haber concertado una cita.
No events |